राज शाही सोमबार, आषाढ ०८, २०७७ मा प्रकाशित

featured photo: Dhovan

 

कर्णाली नदीको किनारमा लाश जलाउने क्रममा आगोको लप्काले २ जना युवाको अनुहार र छातीमा जलेपछि दुई जना युवा गम्भीर घाईते भएका छन ।

लाश जलाउने दाउरा सल्काउनका लागि मट्टीतेल खन्याउने क्रममा आगोको लप्काले अनुहार र छातीमा भेटाए पछि सक्त घाईते भएका हुन । घाइते मध्यको एक जनाको अवस्था गम्भिर भएको खार्पुनाथ सामुदायीक अस्पतालका अहेव जैमलबहादुर शाहीले बताएका छन् ।

घाइते हुनेमा खार्पुनाथ गाउँपालिका वडा नम्बर ५ को बाम्टाका १७ बर्षका युवा धर्म सुनार र बसन्त सुनार रहेका छन् । लास जलाउने क्रममा मट्टीतेल सहितको आगोको लप्काले अनुहार जलाएर गम्भीर घाईते बनाएको पिडितका दाई कृष्ण सुनारले बताएका छन् ।

लाश जलाउने तयारी गरि रहेको बेला आगो बाल्नका लागि दाउरामा मट्टीतेल खन्याउने क्रममा एक्कासी आगोको लप्काले धर्म सुनारको अनुहार र बसन्त सुनारको छातीमा भेटाएको उनले बताएका छन् । दुर्बै जनालाई आगोले छोएपछि अरु मलामी गएर  अनुहार तथा शरिरमा लागेको आगो निभाउने प्रयास गरेका थिए ।  उनीहरुको अबस्था निक्कै गम्भीर रहेको सुनारले बताएका छन।

दुबै जनाको खार्पुनाथ गाउँपालिका केन्द्र सामुदायीक अस्पतालमा निशुल्क रुपमा उपचार भै रहेको सोही स्वास्थ्य शाखा अहेव जैमलबहादुर शाहीले बताएका छन्  । अबस्था जटिल भएको भएपनि गाउँपालिका कै अस्पतालमा उपचार भै रहेको स्वास्थ्यकर्मी शाहीले बताएका छन्  । एक दुई दिन उपचारको अबस्था ह्रेरेर  अगाडीको उपचार तय गर्ने अस्पतालले जनाएको छ ।

 

सम्बन्धित

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक : दाने बोहरा
सम्पादक: राज शाही
सह-सम्पादक: नन्द सिह
समाचार प्रमुख: गोर्ख रोकाया

सम्पर्क

सिमकोट ६ हुम्ला
Website: https://www.dhovan.com
E-mail: [email protected]
सम्पर्क न.: 9867145435, 9858320898, 9848318092